Ва ўрачыстасць Найсвяцейшага Цела і Крыві Хрыста, якое сёлета адзначаецца ў чацвер 8 чэрвеня, па вуліцах Гродна пройдзе Эўхарыстычная працэсія.

Як паведамляе Grodnensis.by, Эўхарыстычная працэсія пройдзе па вуліцах горада над Нёманам традыцыйным маршрутам.

Шэсце з Найсвяцейшым Сакрамэнтам адбудзецца пасля святой Імшы, якая распачнецца ў 18.30 у гродзенскай катэдральнай базыліцы святога Францішка Ксавэрыя.

Вернікаў гродзенскіх парафій запрашаюць узяць удзел у працэсіі, каб даць усім жыхарам горада сведчанне сваёй веры.

Паводле catholic.by