Катэхетычны аддзел Мінска-Магілёўскай архідыяцэзіі ў межах сустрэч для катэхетаў арганізуе практычны курс павышэння кваліфікацыі асобаў, які выкладаюць катэхезу.

Мітрапаліт Мінска-Магілёўскі арцыбіскуп Юзаф Станеўскі і адказны за Катэхетычны аддзел Мінска-Магілёўскай архідыяцэзіі біскуп Аляксандр Яшэўскі SDB запрашаюць узяць удзел у курсе павышэння кваліфікацыі ўсіх, хто ў архідыяцэзіі выкладае катэхезу: святароў, сясцёр законных і свецкіх катэхетаў.

Курс будзе адбывацца ў Хрысціянскім сацыяльным цэнтры ў Мінску (вул. Серафімовіча 19); распачнецца 8 сакавіка а 11-й гадзіне і завершыцца 9 сакавіка а 13-й гадзіне.

Вялікая просьба да пробашчаў аплаціць кошт курсу для ўдзельнікаў: 30 руб. (харчаванне) + 25 руб. (для тых, каму патрэбны начлег).

Тым, хто мае намер узяць удзел у курсе, неабходна як найхутчэй паведаміць у Мітрапалітальную Курыю аб сваім удзеле па наступным нумары:

+375 (29) 946 81 28 – с. Любаміра Кругавая ОР.
ПРАГРАМА

8 сакавіка, пятніца
11.00 – прыезд удзельнікаў і рэгістрацыя
12.00 – святая Імша; цэлебрацыю ўзначаліць біскуп Аляксандр Яшэўскі SDB
13.00 – абед
14.00 – «Лекцыя релігіі (заняткі для дзяцей)» – с. Марыя Мінютка USJK
15.30 – «Гульні ў катэхезе» – с. Дар’я Еўтухоўская FMA
18.00 – вячэра
18.45 – сустрэча з дзіцячай пісьменніцай Аленай Масла
20.00 – супольная размова – с. Часлава Навіцкая USJK
9 сакавіка, субота
9.00 – снеданне
10.00 – «Лялячны тэатр у катэхезе» – Людміла Скітовіч
12.00 – святая Імша; цэлебрацыю ўзначаліць біскуп Юрый Касабуцкі
13.00 – абед і завяршэнне сустрэчы

паводле сatholic.by

https://catholic.by/3/news/announcements/16953-u-sakaviku-minsku-adbudzetstsa-praktychny-kurs-pavyshennya-kvalifikatsyi-katekheta-minska-magiljo-skaj-arkhidyyatsezii